اقلیتی وزارت آئندہ حج کے لیے عازمین کو بہتر سہولتیں فراہم کرانے کے لیے پر عزم :مختار عباس نقوی

وزیر مملکت برائے اقلیتی امور (آزادانہ چارج)اور پارلیمانی امور کے وزیر مملکت مختار عبا س نقوی نے آج یہاں کہا کہ ان کی وزارت آئندہ حج کے لیے عازمین کو بہتر سے بہتر سہولتیں فراہم کرانے کے لیے پر عزم ہے اس کے لیے وزارت نے کئی اقدامات کیے ہیں۔ممبئی میں آل انڈیاحج عمرہ ٹور آرگنائزرس ایسو سی



ایشن کی میٹنگ میں مسٹر نقوی نے کہا کہ اقلیتی امور کی وزارت نے جو اقدامات کیے ہیں، ان میں حاجیوں کو معلومات فراہم کرنے کے لیے ایک فلم تیار کرنا اور آن لائن درخواست کے نظام کو ترجیح دینا شامل ہے۔انہوں نے کہا کہ حج کے دوران حج کمیٹی آف انڈیا کے ساتھ ہی پرائیویٹ ٹور آپریٹرس کا بھی اہم کردار ہوتا ہے۔